Túrkistan oblysynda avtomatty kameraǵa túspeý úshin memlekettik nómiriniń ornyna «NETÝ» degen jazý qoiǵan júrgizýshi ustaldy, dep habarlaidy ult.kz.
Polisia.kz málimetinshe, jol qozǵalysy erejesin buzǵan kólik týraly aqparat avtomatty kamera arqyly patrýldik politsiia inspektorlaryna túsken. Baǵyttama boiynsha tártip saqshylary respýblikalyq mańyzy bar «Shymkent – Samara» avtojolynyń 143-shaqyrymynda Toyota Camry kóligin toqtatty.
Tekserý kezinde kóliktiń memlekettik tirkeý nómiriniń ornyna «NETÝ» degen jazý qoiylǵany anyqtaldy. Júrgizýshi Qyzylorda oblysynyń 29 jastaǵy turǵyny bolyp shyqty.
Oǵan kólik quraldaryn paidalaný talaptaryn buzǵany jáne jol qozǵalysyna qatysýshylardyń qaýipsizdigin qamtamasyz etý talaptaryn saqtamaǵany úshin ákimshilik shara qoldanyldy. Kólik arnaiy turaqqa qoiyldy.
Politsiia júrgizýshilerge avtomatty kameralarǵa túspeý nemese jaýapkershilikten jaltarý maqsatynda memlekettik nómirdi ádeii alyp tastaýǵa bolmaitynyn eskertti. Mundai áreket zań boiynsha jaýapkershilikke ákep soǵady.
