Jetisý oblysynda kámeletke tolmaǵan qyzdyń jeke sipattaǵy fotosýretteri men beinematerialdaryn zańsyz taratty degen kúdikpen 22 jastaǵy er adam ustaldy, dep habarlaidy ult.kz.
Polisia.kz málimetinshe, kúdikti qyzben alǵashynda TikTok áleýmettik jelisi arqyly tanysyp, keiin hat almasýdy messendjerlerdiń biri arqyly jalǵastyrǵan.
Tergeý nusqasyna sáikes, ol qyzdyń senimine kirip, psihologiialyq qysym kórsetken, sondai-aq 20 myń teńge kóleminde syiaqy beremin dep ýáde etip, jeke sipattaǵy fotosýretteri men beinematerialdaryn alǵan.
Keiin kúdikti bul materialdardy messendjerlerdiń birindegi jabyq arnalarda zańsyz taratyp, odan materialdyq paida kórgen degen kúdikke ilindi.
Qazirgi ýaqytta kúdikti ustalyp, ýaqytsha ustaý izoliatoryna qamaldy. Is boiynsha qajetti tergeý amaldary júrgizilip jatyr.
