QR Bilim jáne ǵylym birinshi vitse-ministri Sholpan Karinova kóptegen ata-anany alańdatqan ońtústikkoreialyq «Kalmar oiyny» serialy týraly pikir bildirdi, dep habarlaidy QazAqparat.
«Film Qazaqstanda túsirilmegen. Filmde belgili bir shekteýler bar, ol 18 jastan asqan eresekterge arnalǵan. Sondyqtan eń aldymen ata-analar osy faktige nazar aýdarýy qajet. Ekinshiden, ata-analar da, mektep te tárbielik sharalar aiasynda balalarǵa paidaly aqparatty teris aqparattan ajyratý daǵdylaryn úiretýi kerek. Mektepterde de osy máselege nazar aýdarǵan jón. Árine, balalar psihikasy endi-endi qalyptasý kezeńinde. Sondyqtan kez kelgen aqparatty úide ata-analar, mektepte – pedagogtar baqylaýy kerek», - dep jaýap berdi vitse-ministr tilshi suraǵyna Ortalyq kommýnikatsiialar qyzmetinde.
Onyń aitýynsha, biyldan bastap barlyq bilim berý uiymdarynda jahandyq quzyrettilik kýrsy engizilip jatyr. Bul kýrs balalardyń syni oilaýyn, emotsionaldy intellektisin damytady, aqparatty ajyrata bilýge úiretedi, ony durys tańdaidy.
Qarinova mektepter ózderiniń tárbielik fýnktsiialary aiasynda serialǵa qatysty shekteýlerge nazar aýdarýy kerektigin aitty.
