Reseilik depýtat Sergei Mironov Kaliningrad qalasyn Prezident Vladimir Pýtinniń qurmetine Vladibaltiisk dep ataýdy usyndy. Memlekettik dýmadaǵy «Spravedlivaia Rossiia – Za pravdý» fraktsiiasynyń jetekshisi mundai bastamany óziniń Telegram-kanalynda kóterdi, dep habarlaidy Ulysmedia.kz.
"Men Kaliningradtyń atyn ózgertip, oblystyń mártebesin kóterýdi usynamyn. 76 jyl buryn, 1946 jyly 4 shilde kúni Kenigsberg oblysy Kaliningrad bolyp ózgergen edi. Sol jyly Shyǵys Prýssiianyń astanasyn Baltiisk qalasyna ózgertý usynylǵan bolatyn. Slavgorod nemese Korolevets dep ózgertý týraly nusqalar da bolǵan. Biraq Mihail Kalinin qaitys bolyp, qalanyń aty sonyń qurmetine atalatyn boldy. Al Pillaý degen qalashyq Baltiisk atandy", - dedi Mironov.
Depýtat Reseidiń strategiialyq óńiriniń biri sanalatyn Kaliningrad qalasynyń mártebesin kóterý úshin ony Vladibaltiisk dep ózgertý kerek degen pikirde.
"Mysaly, qalany Vladibaltiisk dep atasaq qandai keremet! Vladibaltiisk Baltyq jaǵalaýy óńiriniń astanasy desek tamasha emes pe?! Menińshe, qalanyń atyn aýystyrsaq Baltyq teńizi men Tynyq muhitynyń arasyn alyp jatqan keń baitaq jerimiz úshin jaqsy bolar edi. Árine, ony qala turǵyndary sheshýi kerek. Meniki usynys", - dedi ol.
Alaida kommýnister Mironovtyń bul bastamasyna qarsy.
"Bizge eshqandai Vladibaltiisk kerek emes. Bizge keńestik Kaliningrad qana kerek. Eger Mironov bir nárseni ózgertkisi kelse, óziniń saiajaiynyń atyn ózgertsin!", - dedi «Resei kommýnisteri» partiiasynyń jetekshisi Sergei Malinkovich.
