Amerikanyń Kaliforniia shtatynda bolǵan «Diksi» órtiniń jalyny tórt okrýgtiń myńdaǵan shaqyrymyna tarady, dep habarlaidy San Francisco Chronicle.
Shtattaǵy Plýmas, Biýt, Tehama jáne Lassen okrýgterinde órship turǵan orman órti 404 qurylys nysanyn, sonyń ishinde tarihi Grinvill qalasyndaǵy 27 qurylysty zaqymdaǵan. Jalyndy sóndirýge 5 myńnan astam órt sóndirýshi jumyldyryldy.
Senbi kúni Kaliforniia shtatynyń gýbernatory Gevin Niýsom kezinde Grinvill qalasyna baryp, Twitter-de kózimen kórgen jaǵdai týraly jazdy.
Basylym málimetinshe, «Diksi» órti 13 shildede bastaldy. Onyń oryn alýyna elektr tasymaldaý jelilerine aǵashtyń qulaýy sebep bolýy múmkin.
