Almaty qalasynyń ákimi Baqytjan Saǵyntaev Kóktóbe bókterinde tutanǵan órt aýmaǵyna bardy, dep habarlaidy "Ult aqparat".
«Búgin Kók-Tóbe taýynyń ońtústik-batys baýraiynda úlken órt boldy. Oqiǵa bolǵan jerge keldim. Qalanyń órtke qarsy negizgi kúshteri: TJD-nyń jeke quramynyń jáne kommýnaldyq qyzmetterdiń 1500-den astam qyzmetkeri, 70 arnaiy tehnika jumyldyryldy. Oqiǵa jaiynda IIM jáne Qorǵanys ministrlerimen sóilestim. Qazirgi ýaqytta 10 gektar aýmaqtaǵy órt aýyzdyqtaldy. Jaǵdai baqylaýda. Qalaǵa qaýip joq», - dep jazdy B.Saǵyntaev Instagram-da.
Qala ákiminiń aitýynsha, órtke qarsy qyzmet kúshi qaraýyldaý rejimine kóshti.
«Órttiń sebebin anyqtaý úshin qylmystyq is qozǵalady. Órt sóndirýge qatysyp, erlik tanytyp, tilsiz jaýdyń qalaǵa taraýyna jol bermegenderge alǵys aitamyn», - dep qosty shahar basshysy.
