Aýǵanstan astanasynda senbige qaraǵan túni aspanǵa bei-bereket oq atylyp, saldarynan keminde 17 adam qaza taýyp, 41 adam jaraqat aldy, dep habarlaidy QaAqparat eldiń «Tolo niýs» jergilikti telearnasyna silteme jasap.
Telearnanyń málimetinshe, qala aýrýhanasyna atystan zardap shekkender kelip túsýde. Olar - negizinen ártúrli dárejede jaraqat alǵan azamattar.
Buǵan deiin aýǵan aqparat quraldary habarlaǵandai, Kabýlda eldegi bilikti basyp alǵan «Taliban» radikaldy qozǵalysynyń sodyrlary bei-bereket oq jaýdyryp, baǵynbaǵan soltústik Pandjsher provintsiiasyn tolyq basyp alǵandyqtaryn atap ótken. Aimaqtaǵy ulttyq qarsylyq ókilderi radikaldardyń osy provintsiiaǵa baqylaý ornatqany týraly aqparatty joqqa shyǵardy.
