Belgili ázilkesh Tursynbek Qabatovtyń qyzy úshin UBT-ny basqa adam tapsyrdy degen aqparat tarady. Nur-Sultan qalasy politsiia departamenti jaǵdaiǵa qatysty túsinikteme berdi, dep habarlaidy Sputnik Qazaqstan.
Politsiia aqparatyna sáikes, oqiǵa 13 maýsym kúni bolǵan. Ulttyq testileý ortalyǵynyń qyzmetkerleri UBT-ǵa jalǵan qujatpen qatysqan túlekterdi anyqtady.
"Tergeý kezinde jalǵan jeke kýálik jasaǵan 22 jastaǵy kúdikti ustaldy. Qylmystyq kodekstiń 385-baby 1-bóligi boiynsha qylmystyq is qozǵaldy", - dedi politsiia departamentinde.
Buǵan deiin belgili KVN oiynshysynyń qyzy úshin ózge bireý test tapsyrdy degen aqparat tarady. Bul týraly Facebook-te zańger Abzal Quspan jazdy. Ol bul "100% senýge bolatyn adamdardan alynǵan aqparat" ekenin jetkizdi.
Zańgerdiń aitýynsha, UBT-ny Ádemi Amanǵali úshin ýniversitettiń 2-kýrsynda grantta oqityn stýdent tapsyrǵan.
Quspan adamdar Tursynbek Qabatov qyzy úshin ózge adam test tapsyrýǵa kelgenine kýá bolǵanyn jazdy.
