12 qazan kúni «Habar» telearnasynyń tikelei efirinde «Junior Eurovision 2021» halyqaralyq án baiqaýynyń Ulttyq kezeńinde finalǵan ótken 10 oryndaýshynyń esimi belgili boldy, dep habarlaidy "Ult aqparat" telearnanyń baspasóz qyzmetine silteme jasap.
Kórermenderdiń onlain daýys berýi jobanyń resmi saitynda (jevision.khabar.kz) ótkizildi. Onyń nátijesinde 10 finalist anyqtaldy:
1. Amantai Aiǵanym Aibekqyzy
2. Beknur Jánibekuly
3. Asgatova Amina Baýrjankyzy
4. Saakian Armen Ervandovich
5. Hamzin Alinýr Azamatovich
6. Tabarina Ekaterina Denisovna
7. Makim Jan Aliuly
8. Túgelbai Álimjan Mairambekuly
9. Jumabai Ábilqaiyr Dosanuly
10.Sýlenova Adina Erlanovna
Gala-kontsert 2021 jyldyń 6 qarashasynda «Habar» telearnasynyń tikelei efirinde ótedi. Ótken jylǵy dástúrmen elimizdiń kompozitorlary finalisterge arnap 10 án jazyp beretin bolady. «Junior Eurovision» Ulttyq irikteý jeńimpazyn ádil qazylar alqasynyń baǵalaýy jáne qazaqstandyqtardyń SMS-daýys berý nátijeleri anyqtaidy. Ulttyq irikteý jeńimpazy Qazaqstannyń atynan 19 jeltoqsan kúni Parijde óner kórsetedi.
Eske salaiyq, atalmysh baiqaýǵa Qazaqstan tórtinshi ret qatysady. Bul - «Habar» agenttiginiń Eýropalyq habar taratý odaǵynyń (EVU) qaýymdasqan múshesi atanýynyń arqasynda múmkin bolyp otyr.
Ulttyq irikteýdiń áleýmettik jelilerdegi resmi paraqshalary: @jevision.kz; @msm.govrk.
