Virýs juqtyrǵandar sanynyń kúrt ósýine bailanysty Izrailde koronavirýstyń taralýyn tejeý boiynsha shekteý sharalary qaita engizildi, dep habarlaidy The Jerusalem.
Sársenbiden bastap Izrailde adamdardyń jinalýyna shekteý jariialanyp men áleýmettik ara qashyqty mindetteý qaita engizildi. Jańa ereje qoǵamdyq oryndarǵa kirýge ruqsat etilgen adamdar sanyn shekteidi. Olardyń arasynda kóptegen mádeni jáne sport sharalary men nysandar bar. Mundai oryndar tek Green Pass ruqsatnamasy bar azamattarǵa ǵana ashyq. Ruqsatnama adamnyń vaktsina alǵanyn, jazylyp shyqqanyn nemese jaqynda koronavirýsqa test tapsyryp, teris nátije kórsetilgenin rastaidy.
Osylaisha, óz erkimen vaktsina almaǵan nemese ekpe alýǵa múmkindigi bolmaǵan adamdar basseinge, jattyǵý zalyna, sport jáne mádeni sharalarǵa, konferentsiiaǵa, murajaiǵa, kitaphanaǵa, meiramhana men qonaqúige kirer kezde COVID-19-ǵa testileýdiń teris nátijesin kórsetýi kerek.
Odan bólek, 3-12 jas aralyǵyndaǵy balalar meimanhana, sharalarǵa arnalǵan zaldar men meiramhanalar siiaqty kóp adam qatysatyn jabyq jerlerge kirer kezde koronavirýs testiniń teris nátijesin kórsetýi tiis.
Jańa ereje saýda ortalyqtarynan basqa barlyq kásiporyndarǵa qoldanylady.
Seisenbi kúni jańa shekteý sharalary engiziler aldynda Izrailde 8 716 jańa koronavirýs juqtyrý jaǵdaiy tirkelgen bolatyn. Densaýlyq saqtaý organdarynyń aitýynsha, bul osy jyldyń 1 aqpanynda engizilgen rekordtan asyp tústi.
Izraildiń densaýlyq saqtaý ministrliginiń habarlaýynsha, búgingi kúni 579 adamnyń jaǵdaiy aýyr, skriningten ótken naýqastardyń 6,2%-y COVID-19-ǵa testiniń oń nátijesin kórsetken.
Osy aptada Ierýsalimdegi Evrei ýniversitetiniń zertteýshileri tamyzdyń aiaǵynda elde bir apta ishinde COVID-19-dan ólim sany 150-den 250-ge deiin kóteriletinin boljaityn esepti jariialady.
