Dárigerler Izrailde ótken táýlikte 6275 adamnyń koronavirýs juqtyrǵanyn anyqtady. Bul týraly seisenbi kúni eldiń densaýlyq saqtaý ministrliginiń baspasóz qyzmeti málim etti, dep habarlaidy Kan memlekettik radiosy.
Bul 2021 jyldyń aqpanymen salystyrǵanda eń joǵary táýliktik kórsetkish jáne elde «delta» shtammy paida bolǵaly jańa antirekord.
Densaýlyq saqtaý ministrliginiń málimetinshe, qazirgi ýaqytta 35466 adam kovidpen aýyryp jatyr. 394 naýqas aýyr halde, 64 adam ókpeni jasandy jeldetý (ÓJJ) apparatyna qosylǵan.
Izaril turǵyndary ótken jyldyń 20 jeltoqsanynan bastap amerikalyq Pfizer kompaniiasynyń vaktsinasyn saldyryp keledi. Izrail densaýlyq saqtaý ministrliginiń deregi boiynsha, qazirgi ýaqytta 5,8 mln izrail birinshi dozasyn alǵan, 5,4 mln adam – ekinshi dozany ektirgen. Bul sáikesinshe turǵyndardyń 63% jáne 58%-yn (9,3 mln) quraidy.
30 shildede Izrailde Pfizer-diń ekinshi dozasyn 5 ai buryn saldyrǵan 60 jastan asqan turǵyndarǵa úshinshi ret ekpe egýdi bastady. Ministrlikten málim etkendei, úshinshi ret vaktsinany 577 myńnan astam adam aldy.
