Izrail álemde koronavirýs infektsiiasynyń taralýyna qarsy kúrec boiynsha ulttyq oqýlar júrgizetin birinshi el bolmaq, dep habarlaidy QazAqparat Times of Israel-ǵa silteme jasap.
Ulttyq oqýlar búgin eldiń premer-ministri Naftali Bennetiń basshylyǵymen ótkiziledi. Ierýsalimdegi jedel shtabta ótetin oqýlar kezinde túrli joǵary ókiletti sheneýnikter men organdar oqýlar barysynda «Omega» ataýyna ie bolǵan COVID-tiń jańa shtamyna daiyndyq úshin áreketter men daiarlyǵyn kórsetedi.
Oqýlarǵa qatysatyn ókiletti tulǵalar kóptegen stsenariilerge tap bolyp, qozǵalysty shekteý, karantin, áýe tasymaly jáne t.b kóptegen jaǵdailarǵa bailanysty sheshimder shyǵarady.
Premer-Ministr Bennet Izraildiń koronavirýs infektsiiasynyń tórtinshi tolqyny men «delta» nusqasyn jeńe alǵanyn málimdedi. Onyń aitýynsha, el árqashan bolashaqqa týra qarap, koronavirýsqa qarsy naýqannyń jalǵasýyna daiyndalyp jatyr.
Ol Izrail úkimeti men densaýlyq saqtaý organdarynyń ókilderi osymen tynyshtalmai, kerisinshe, koronavirýs infektsiiasyna daiyn bolýyn jalǵastyratynyn atap ótti.
Izraildiń Densaýlyq saqtaý ministrligi sársenbi kúni jariialaǵan málimetke sáikes, Izrailde COVID-19 belsendi oqiǵalarynyń sany 6450-ge deiin tómendegen.
