Italiialyq jýrnalister Semei qalasynda derekti film túsirip jatyr, dep habarlaidy qalanyń aqparat ortalyǵy.
Italiialyq jýrnalister Perpaolo Mittika men Alessandro Tessei kóptegen jyldar boiy iadrolyq poligondy zertteýmen ainalysady. Olar sol ýaqyt aralyǵynda Fýkýsimý men Chernobylde bolǵan. Tabiǵat pen jergilikti turǵyndarǵa uzaq jyldar boiy zalal ákelgen Semei iadrolyq poligonyn da nazardan tys qaldyrmady. Italiiadan kelgen qonaqtar qazir Semeide synaq ótkizilgen jyldary qandai jaǵdai bolǵany, burynǵy poligonnyń ornynda qazir ne bolyp jatqany týraly derekti filmde aitylady.
«Biz Qazaqstanda týrist retinde emes, jumys isteýge keldik. Tańerteń Balalar úiinde boldyq. Ol jerde damýynda aýytqýlary bar balalardy kórdik. Buǵan qaraý óte qiyn. Poligonmen bolǵan jaǵdaidyń saldary sizderdiń elińizde, osy óńirde óte qatty baiqalady. Bizge osyndai adamdarmen jumys isteý jáne buny kórý óte qiyn soǵýda», - dedi jýrnalist-fotograf Perpaolo Mittika.
