Seisenbi kúni Italiiada koronavirýs infektsiiasynan taǵy úsh dáriger kóz jumdy, dep habarlaidy ANSA agenttigi.
Messindegi jalpy dáriger Gaetana Trimarchi, Komo mańynda ornalasqan Serenodaǵy kardiolog Norman Djons jáne Rimde jumys istegen ginekolog Roberto Mileti koronavirýs infektsiiasynan qaitys boldy, dep habarlady FNOMCEO Dárigerler Gildiiasy federatsiiasy.
Osylaisha, COVID-19 jańa virýsynan kóz jumǵan dárigerlerdiń jalpy sany 66-ǵa jetti. ANSA agenttiginiń habarlaýynsha, búgin Italiianyń barlyq aimaǵynda meditsina qyzmetkerlerin qoldaý úshin, sondai-aq olardyń otbasy men jaqyn adamdaryna qoldaý bildirý úshin koronavirýs qurbandaryn bir minýt únsizdikpen eske alý kezinde týlar túsirildi.
Italiia merleri usynǵan bastamany mekemeler, ulttyq jáne jergilikti bilik organdary, sondai-aq ANSA-ny qosa alǵanda, isker toptar men aqparattyq agenttikter qoldady.
Eske sala keteiik, sońǵy málimet boiysha COVID-19 virýsynan Italiiada 11 500 adam kóz jumǵan.
