Italiiada Milan qalasynyń ońtústik shetinde 18 qabatty turǵyn úide órt tutanyp, ǵimarat tolyǵymen janyp ketti, dep habarlaidy QazAqparat Reuters-ke silteme jasap.
Kýágerlerdiń aitýynsha, 15-qabatta bastalǵan órt ǵimarattyń qaptamasy arqyly ishke jyldam taraǵan.
Órt sóndirýshilerdiń jumysyn kózdi ashytqysh tútin men qyzǵan qaptama bólshekteriniń jerge qulaýy qiyndatqan. Sondai-aq jalyn ǵimarattyń mańyna turaqqa qoiylǵan birneshe avtokólikti sharpyǵan.
Órt saldarynan qaza tapqandar joq, alaida birneshe adam tútinge tunshyǵyp, zardap shekken.
«Órttiń sebebi endi anyqtalady, jalynnyń ǵimaratty jalmaýy onyń termiialyq qaptalǵanynan bolýy múmkin», - dep málimdedi Rimdegi ishki ister ministrliginiń qyzmetkeri Karlo Simba.
Ǵimarattyń qurylmasyn teksergen mamandardyń aitýynsha, jaqyn arada ol tolyǵymen qulaýy múmkin, órt metall qańqaǵa edáýir zaqym keltirgen. Ǵimarattyń qulaýy kórshi úilerge de qaýip týdyrady, sol sebepti qutqarýshylar turǵyndardy evakýatsiialady.
