Koronavirýs pandemiiasy bastalǵaly Ispaniiada birinshi ret bir kún ishinde eshkim COVID-19 aýrýynan qaitys bolmady. Bul týraly Ispaniia densaýlyq saqtaý ministrligi tótenshe sanitarlyq jaǵdailar boiynsha úilestirý ortalyǵynyń basshysy Fernando Simon habarlady.
“Biz pandemiia evoliýtsiiasynda óte jaqsy orynda turmyz. Statistikada trend bar jáne ol durys baǵytta” dedi Simon.
Ispaniia Eýropanyń pandemiiadan eń aýyr zardap shekken elderiniń birine ainaldy. Bul elde koronavirýs 240 myń adamnan tabylyp, 27 myńnan astam adam COVID-19 aýrýynan qaza tapty.
Elde COVID-19 ólimi alǵash ret 3 naýryzda tirkelgen. Eki kúnnen keiin taǵy bir adam qaitys bolǵan. Sodan keiin virýsty juqtyrǵandar men qaitys bolǵandar sany geometriialyq progressiiamen ósti. 2 cáýirde bir táýlikte 950 adam qaitys boldy. Bul Ispaniiadaǵy virýstan qaitys bolǵandardyń sharyqtaý shegi edi. Odan keiin kórsetkish birte-birte azaidy.
