"Horasandaǵy Islam memleketi" toby (Qazaqstanda tyiym salynǵan uiym) Aýǵanstannyń ońtústiginde Kandagar meshitindegi jarylysty moinyna aldy, dep habarlaidy Azattyq.
Jihadtyq uiymnyń habarlaýynsha, kóp adam jinalatyn shiitter meshitinde juma namazy oqylyp jatqan kezde eki sodyr jan-jaqtan shabýyl jasaǵan. Uiymnyń telegram arnasynda jariialanǵan habarlamasyna sáikes, birinshi sodyr jarylǵysh zatty meshit dálizinde iske qosqan, ekinshisi meshit ortasynda ózin jarǵan.
Kandagardaǵy barlaý qyzmetiniń jetekshisi Azattyqqa oqiǵanyń saldarynan keminde 36 adam qaza bolǵanyn, 70 adam jaralanǵanyn aitty.
Bir apta buryn eldiń soltústiginde Qundyz qalasyndaǵy shiitter meshitinde jarylys bolyp, ondaǵan adam qaza bolǵan. Shabýyldy "Horasandaǵy Islam memleketi" uiymy moinyna alǵan. "Taliban" (Qazaqstanda tyiym salynǵan) biligindegi sýnnitterge qarsylyq kórsetken "Horasandaǵy islam memleketi" toby shiitterdi "túzý joldan adasqandar" dep sanaidy.
"Taliban" basshylyǵy "Islam memleketi" tobynyń qaýpin azaityp kórsetedi. Alaida jihadtyq toptyń birneshe shabýyly "Talibannyń" Aýǵanstanǵa beibitshilik ákeldik degen málimdemesine selkeý túsiredi.
