QR Ishki ister ministri Erlan Turǵymbaev 2021 jylǵy 20 qyrkúiekte qyzmettik mindetterin atqarý kezinde qaza tapqan Almaty qalasy Politsiia departamentiniń eki qyzmetkeriniń otbasylaryna memlekettik nagradalar tapsyrdy.
Bul týraly Ishki ister ministrliginiń baspasóz qyzmeti habarlady.
«Bizdiń áriptesterimiz, politsiia maiory Darhan Súleev pen politsiia kapitany Nurbol Baiǵaziev qyzmettik mindetin adal atqaryp, áriptesterine úlgi bolyp, bolashaqqa jospar qurdy. Olardyń ómirin qiǵan qaiǵyly oqiǵa barlyq qazaqstandyqtardy dúr silkindirdi», - dep atap ótti IIM basshysy.
Ýchaskelik politsiia inspektorlary Darhan Súleev pen Nurbol Baiǵaziev qaza tapqan soń Prezident Qasym-Jomart Kemeluly Toqaevtyń Jarlyǵymen II dárejeli «Aibyn» ordenimen marapattaldy.
«Búgin men Memleket basshysynyń tapsyrmasy boiynsha olardy tapsyrý úshin keldim», - dep atap ótti ministr Erlan Turǵymbaev.
Ol ishki ister organdarynyń qyzmetkerleri árdaiym qylmysqa qarsy kúreste jáne azamattardyń qaýipsizdigin qamtamasyz etýde aldyńǵy qatardy júretinin atap ótti.
«Politseilerdiń kúndelikti jumysy ómir men densaýlyqqa qaýip tóndiredi. Syn jaǵdailarynda birneshe sekýnd ishinde olar jaýapty sheshimder qabyldaýǵa májbúr», - delingen habarlamada.
