Mońǵoliiada COVID-19 juqtyrýdyń 180 myńnan astam rastalǵan jaǵdaiy tirkeldi, - dep habarlaidy eldiń Densaýlyq saqtaý ministrligi.
COVID-19 taralýyna jol bermeý jónindegi vedomstvoaralyq komissiianyń Telegram kanalyndaǵy málimetterge qaraǵanda, sońǵy 24 saǵat ishinde 6 530 PTR-testileý ótkizildi, onyń ishinde 1 402 oń nátije berdi. 9 080 patsient meditsina mekemelerinde emdelýde, 191-i óte aýyr jaǵdaida, taǵy 2 953-i aýyr jaǵdaida. Jalpyulttyq vaktsinatsiia naýqanynda eresek turǵyndardyń kem degende 60% - yn egý josparlanýda.
Al, Iran islam respýblikasynyń biligi koronavirýstyń taralýyna qarsy kúres aiasynda búkil el boiynsha alty kúndik lokdaýn engizdi. Úkimet COVID-19 besinshi tolqynyn jariialady. Iranda kelesi aptada kezekten tys demalys belgilenýde. Sonymen qatar, koronavirýspen bailanysty jaǵdaidyń ýshyǵýyna bailanysty provintsiialar arasynda qozǵalýǵa eki aptalyq tyiym jariialandy.
