Iranda COVID-19 juqtyrý jaǵdailarynyń táýliktik ósýi boiynsha antirekord tirkeldi, dep habarlaidy "Ult aqparat" COVID-19 taralýyna jol bermeý jónindegi vedomstvoaralyq komissiianyń Telegram kanalyna silteme jasap.
Ondaǵy málimetterge qaraǵanda, Iranda bir táýlikte virýs juqtyrýdyń 39 019 deregi tirkelip, 378 adam atalmysh dertten kóz jumǵan. Koronavirýspen aýyrǵandardyń jalpy sany - 3 979 727 adam. Al virýstan qaitys bolǵandar sany 91 785-ke jetti, - dep málimdedi Irannyń Densaýlyq saqtaý jáne meditsinalyq bilim ministrligi.
Meditsinalyq bilik elde «delta» shtamynyń taralýy aiasynda taǵy da shekteýler qoidy. 3 tamyzdaǵy jaǵdai boiynsha 10 741 956 adam koronavirýsqa qarsy vaktsinanyń birinshi dozasyn aldy, al 2 844 250 adam tolyq egildi.
Al, Frantsiiada Jerorta teńiziniń Korsika aralynda tótenshe jaǵdai rejimi engizilýi múmkin. Ótken demalys kúnderi bul jerge 130 000-nan astam demalýshy keldi. Araldyń eki negizgi qalalarynyń biri Bastiiadaǵy aýrýhanalardyń tolýy 79%-dan asty. Úkimet taǵy da aýrýhana qyzmetkerlerine qosymsha jumysy úshin ústeme aqy, sondai-aq aýyr jumys saldarynan ala almaityn aqyly eńbek demalysy úshin ótemaqy engizetinin málimdedi. Infektsiia taralýynyń ósýine bailanysty eldiń barlyq jaǵalaýdaǵy kýrorttarynda mindetti túrde maska kiiý jáne túngi komendanttyq saǵat engizildi.
