QR Premer-Ministriniń orynbasary Roman Skliar Májilis ókilderiniń depýtattyq saýalyna bergen jaýabynda ipoteka alýshynyń tólem qabiletin teksergen kezde járdemaqy nege eseptelmeitinin aitty, dep habarlaidy QazAqparat.
«Baqytty otbasy» ipotekalyq baǵdarlamasyna qatysý úshin otbasynyń árbir múshesine shaqqandaǵy tabys eń tómengi kúnkóris deńgeiiniń 3,1 eselengen shamasynan aspaýǵa tiis. Qaryz alý úshin negizgi talaptardyń biri eńbek nemese kásipkerlik qyzmetten sońǵy 6 aida kiris túsip turǵan boýly kerek. Sonymen qatar, azamattar ipotekalyq qaryz alýǵa ótinim bergen kezde qaryz alýshynyń tólem qabiletin tekserý júrgiziledi. Onyń aiasynda járdemaqylar negizgi kiris retinde esepke alynbaidy», - dep jazdy Roman Skliar depýtattyq saýalǵa bergen jaýabynda.
Onyń túsindirýi boiynsha, azamattarǵa járdemaqy tirshilik etip, densaýlyǵyn kútý úshin (tamaqtaný, emdeý, ońaltý sharalaryna qatysý jáne t.b.) qoldaý úshin taǵaiyndalady jáne qaryzdardy óteýdi kózdemeidi.
«Bul rette, «Otbasy bank» AQ-nyń ishki ádistemesi boiynsha járdemaqylar kandidattyń tólem qabiletin baǵalaý kezinde qosymsha tabys retinde qabyldanady, bul óz kezeginde qaryz boiynsha sheshim shyǵarý kezinde oń áser etedi. Sonymen qatar kezekte turǵandardyń osy sanaty kommýnaldyq turǵyn úi qorynan jalǵa beriletin turǵyn úi alýǵa úmitker bola alady», - dep atap ótti Premer-Ministrdiń orynbasary.
Sondai-aq, ol Memleket basshysynyń Úkimettiń keńeitilgen otyrysynda bergen tapsyrmasy boiynsha turǵyn úi saiasatyn jetildirý boiynsha jumys júrgizilip jatqanyn, sonyń aiasynda jalǵa beriletin turǵyn úidi qarjylandyrý tetigin qaita qaralatynyn atady.
«Jalǵa beriletin turǵyn úi qurylysynan qarajatty tabysy eń tómengi kúnkóris deńgeiinen tómen kezekte turǵandar úshin jalǵa alý tólemin sýbsidiialaýǵa qaita baǵyttaý kózdelýde. Bul kezekte turǵan 10 myń adamnyń ornyna 100 myń adamdy memlekettik qoldaý sharalarymen qamtýǵa múmkindik beredi», - dep túiindedi Roman Skliar.
