Úkimet otyrysynda QR Densaýlyq saqtaý ministri Aleksei Tsoi infektsiialyq tósek orynnyń júktemesi azaimai turǵan óńirlerdi atady, dep habarlaidy QazAqparat.
«24 tamyzdaǵy jaǵdai boiynsha Qazastanda 474 851 naýqasta koronavirýs rastaldy. 67 870 naýqastan virýs belgisinsiz aýrý tirkeldi. Túrkistan oblysynan basqa óńirlerdiń bári «qyzyl» aimaqta. Sońǵy eki apta boiynda Qazaqstanda koronavirýs infekiiasynyń birtindep tómendeýi baiqalyp otyr. Sońǵy eki aptada aýrý juqtyrý deńgeii 10 paiyz tómendedi. 1 tamyzdan bastap aýrýdyń taralý indeksi respýblika kóleminde 2,1 esege – 1,11-den 0,93-qa tústi», - degen ministr infektsiialyq tósekterdiń júktelimi de azaia bastaǵanyn atap ótti.
«Infektsiialyq tósekterdiń júktelimi 49 paiyzdy, reanimatsiialyq tósekterdiń júktelimi 46 paiyzdy qurap otyr. Sońǵy eki aptada infektsiialyq tósekterdiń júktelimi 12 paiyz tómendedi. Tósekterdiń joǵary júktelimi Aqtóbe oblysynda (68 paiyz), Almaty qalasynda (61 paiyz), Almaty oblysynda (59 paiyz) tirkelip otyr», - dedi Aleksei Tsoi.
Sondai-aq, ol Úkimet otyrysynda kúzdegi epidahýaldyń úsh stsenariidegi yqtimal boljamyn aitty.
«Ministrlik qarasha aiyna deiingi epidemiologiialyq boljamdy jańartty. Pessimistik stsenarii boiynsha qyrkúiek aiynda 6 300 jaǵdaiǵa, qazan aiynda 2400 jaǵdai jetedi. Shynaiy stsenarii boiynsha qyrkúiekte 5 400 jaǵdaiǵa, qazanda 1 800 jaǵdaiǵa jetedi. Optimistik stsenarii jaǵdaiynda qyrkúiekte 4 200 jaǵdaiǵa, qazanda 1 300 jaǵdaiǵa jetedi», - dedi ministr.
