Soltústik Qazaqstan oblysy ákimdiginde týrizmdi damytý máseleleri qaraldy. Basty nazar Imantaý-Shalqar kýrort aimaǵyna aýdaryldy, dep habarlaidy "Ult aqparat".
SQO ákimdiginen málim etkendei, búginde Imantaý-Shalqar kýrortty aimaǵy úzdik 10 jobanyń qataryna enedi. Ony odan ári damytýǵa 23 mlrd teńgege jýyq qarjy quiylmaq. Bul aqshaǵa infraqurylymdy damytý kózdelgen. Sońǵy 3 jylda Aiyrtaý aýdanynda 273 shaqyrym jol jóndeldi. Bul týristerdiń aǵymyn 40 paiyzǵa ulǵaitýǵa múmkindik berdi.
«Byltyr kýrortqa 45 myń adam kelse, biylǵy segiz aida 63 myń adam demaldy. Jyl sanap jolǵa bólingen qarjy kólemi ulǵaiyp keledi. 2017 jyly 900 mlnteńge, biyl 3,8 mlrd teńge jumsaldy», — dedi oblys ákimi Qumar Aqsaqalov.
Investorlar jyl on eki ai jumys isteitin demalys bazalaryn salady. Biyl Imantaý men Shalqarda 5 jańa demalys orny ashylady. «Shalqar sý» shipajaiy jóndelýde. Jalpy jyl sońyna deiin 1 mlrd teńge somasyna taǵy birqatar nysan iske qosylmaq.
Budan bólek, sharalar josparynda «Botai» murajaiy men týristerge arnalǵan Vizit ortalyǵynyń qurylysy qarastyrylǵan. Imantaý kóliniń jaǵajaiy abattandyrylyp, velosiped jáne at serýenine arnalǵan joldar jasalady, aimaqty sholý alańy paida bolady.
