13 qyrkúiekte QR Prezidentiniń Jarlyǵymen Imanǵali Tasmaǵambetov Qazaqstan Respýblikasynyń Qorǵanys ministri laýazymyn bosatyp, Qazaqstan Respýblikasy Premer-Ministriniń orynbasary bolyp taǵaiyndaldy.
Qorǵanys ministrliginde Elbasy – QR QK Joǵarǵy Bas Qolbasshysy Nursultan Nazarbaevtyń qatysýymen keńes ótti. «Imanǵali Nurǵaliuly Tasmaǵambetov munda sátti jumys atqardy. Men qoiǵan tapsyrmalardy naqty oryndady. Meniń Jarlyǵymmen ol Premer-Ministrdiń orynbasary bolyp taǵaiyndaldy. Quttyqtap, jańa qyzmet ornynda sáttilik tileimin. Bul laýazymda da júktelgen tapsyrmalardy adal jáne tolyq oryndaitynyna senimdimin. Ministrliktegi atqarǵan jumysy úshin Imanǵali Nurǵaliulyna alǵys bildirip, oǵan tolaiym tabys tilegim keledi», - dedi Nursultan Nazarbaev. Imanǵali Tasmaǵambetov QR Qorǵanys ministri laýazymyn 2014 jylǵy qazan aiynan bastap atqardy. Qorǵanys ministrliginiń resmi saity Tasmaǵambetovtyń bul laýazymda qandai is-sharalarymen este qalǵanyn eske túsirdi.
Áskeri tehnikany satyp alý men óndirý
2015 jyly QR Qarýly Kúshteriniń tarihynda alǵash ret qazaqstandyq Áskeri-áýe kúshteri 4++ úlgidegi sý jańa joǵary manevrli kóp fýnktsionaldyq eki oryndyq Sý-30SM joiǵyshymen, jańa Mi-171Sh kóliktik-jaýyngerlik tikushaǵymen, jańa S-295 áskeri-kólik ushaǵymen tolyqty.
Astanada «Arlan» kóp maqsatty manevrli brondy mashinalardyń, iaǵni, minalar men ballistikalyq snariadtardan keremet qorǵaityn jaýyngerlik is-qimyldardyń tótenshe manevrli aspabynyń iske qosýy retke keltirildi.
2016 jylǵy qańtardyń sońynda Qorǵanys ministri Imanǵali Tasmaǵambetov Iordaniiaǵa baryp, korol Abdýllah II ibn ál-Hýsein ál-Hashimimen "Qazaqstan Paramaýnt injiniring" kompaniia zaýytynyń ónimi – 50 qazaqstandyq «Arlan» brondalǵan dóńgelekti mashinasyn satý týraly ýaǵdalasty.
2016 jyldyń naýryzynda QR Qorǵanys ministri alǵashqy qazaqstandyq patron zaýyty qurylysynyń bastalýyna jol ashty. Atalǵan joba ázirlenip, QR QK Joǵarǵy Bas Qolbasshysynyń tapsyrmasy boiynsha iske asyrylýda.
Jaýyngerlik daiarlyq 2015 oqý jyly boiynsha
QR QK-de 2208 ártúrli oqý-jattyǵý (onyń ishinde, bólimsheler men vzvodtardyń jaýyngerlik oq atýlary) ótkizildi. 2014 jyly – 1807, bul aldyńǵymen salystyrǵanda 18 paiyzǵa kóbirek. Olardyń ishinde: qarýdyń ár túrinen praktikalyq oq atýlar kórsetkishteri 8 paiyzǵa, áýe kemelerindeshi ushýlar saǵaty 4 paiyzǵa, korabldi jaýyngerlik oqý-jattyǵýlardy pysyqtaý 12,1 paiyzǵa, áskerlerdiń dalalyq shyǵýy 32,2 paiyzǵa kóbirek boldy.
Bir jylǵy barlyq is-sharalardyń qorytyndysy boiynsha áskerlerdiń jaýyngerlik daiarlyǵynyń sany men sapasy 7,2%-ǵa artty. Barlyq oqý-jattyǵýlar josparly tártipte júrgiziledi. Ulǵaiýy jaýyngerlik daiarlyq barysynyń qarqyny jáne Qarýly Kúshterge qoiylatyn talaptarmen bailanysty.
2015 jyl elimizdiń Qarýly Kúshterinde áskerlerdiń kenetten tekserilýimen erekshelendi. Bul tekserýler tekserilgen quramalardyń jaýyngerlik ázirliginiń jai-kúiin dáiekti baǵalaýǵa, bar problemalardy anyqtaýǵa, arnalýy boiynsha tapsyrmalardy oryndaýda komandirler men barlyq jeke quramǵa tájiribe jinaqtaýǵa múmkindik berdi.
2016 jyl alǵash ret qoldanylǵan kóshpeli otyrystar praktikasymen bastaldy. QR Qorǵanys ministri «Ońtústik» óńirlik qolbasshylyǵynyń Taraz garnizonynda kóshpeli alqa otyrysyn ótkizdi. Dabyl boiynsha Qorǵanys ministrligi Ortalyq apparatynyń áskeri qyzmetshileri kóterildi. Alǵash ret Ortalyq apparat áskeri qyzmetshileri jiynnan keiin Astana q áskeri bólimderi biriniń mańynda óristetilgen dalalyq lagerge jol tartty.
2016 jyldyń aqpanynda «Shyǵys» óńirlik qolbasshylyǵynyń «Shyǵys» poligonynda QR Qorǵanys ministri Imanǵali Tasmaǵambetov «Aibalta-2016» jedel-taktikalyq komandalyq-shtabtyq oqý-jattyǵýǵa qatysty. «Aibalta» oqý-jattyǵýy áskerlerdiń dalalyq mashyǵyn arttyrý kúrdeli qysqy jaǵdaida bólimder men bólimshelerdiń tolyq óristetile otyryp ótkenimen erekshelenedi. Oqý-jattyǵýǵa barlyǵy 5 myńǵa jýyq áskeri yqzmetshi tartyldy. Olar qytymyr klimattyq jaǵdaida tabandylyqtary men tózimdilikterin kórsete bildi.
2016 jyldyń sáýirinde QR Qorǵanys ministri Imanǵali Tasmaǵambetov Saryshaǵan poligonynda ótken «Járdem-2016» arnaiy oqý-jattyǵýyna qatysty. Atalmysh arnaiy oqý-jattyǵý basqalarynan edáýir erekshelenedi jáne jetkilikti airyqsha baǵytqa ie. Onyń sheńberinde áskeri qyzmetshiler tótenshe jaǵdailar kezinde apattyq saldardy bólshekteýdi júrgizedi.
Mańyzdy is-sharalar
2015 jyly QR Qarýly Kúshterinde qazaqstandyq armiia tarihyndaǵy Uly Otan soǵysynyń 70 jyldyǵyna arnalǵan eń iri áskerler parady ótkizildi. Bul parad ótken jyldardaǵy eń kóztartarǵ aýqymdy jáne kóp sandy boldy. Oǵan elimizdiń Qarýly Kúshteriniń jeke quramy men áskeri tehnikasynyń rekordtyq sany qatysty.
2015 jyly QR Qorǵanys ministri Imanǵali Tasmaǵambetov elimizdegi QR QK áiel áskeri qyzmetshileri arasyndaǵy tuńǵysh «Batyr arýlar» baiqaýynyń bastalýyna jol ashty. Qatysýshylar ótinim berilgen sátten bastap jáne sheshýshi kezeńge deiin názik jandylar úshin qiyn bolyp keletin ártúrli kedergilerden ótti.
QR Qarýly Kúshterinde jýrnalisterge arnalǵan «Áskeri diskýrs» praktikalyq seminary alǵash ret bastaý aldy. Jetekshi telearnalardyń, radiostantsiialardyń, respýblikalyq gazetter men jýrnaldardyń, aqparattyq agenttikterdiń jýrnalisteri jaýyngerlik is-qimyldar aýdanynda jumys jasaýda praktikalyq daiyndyqtan ótip, áskeri oqiǵalardy jariialaý erekshelikterin zerdeleidi. «Áskeri diskýrs» seminary 4 ret ótkizildi. 2 ret «Spassk» oqý-jattyǵý ortalyǵynda, «Tuiyq sý» alplagerinde, sondai-aq, Kaspii jaǵalaýynda.
2015 jyldyń 1 jeltoqsanynda Memleket basshysy – Joǵarǵy Bas Qolbasshy Nursultan Nazarbaevtyń qatysýymen elimizdiń tarihyndaǵy tuńǵysh áskeri-tarihi mýzeii ashyldy. Mýzei qorynda ejelgi dáýirden qazirgi ýaqytqa deiingi qazaq halqynyń áskeri tarihy men mádenieti eskertkishteriniń naqyshyn keltiretin sirek kezedesetin jáne biregei jádigerler bar.
Elimizdiń aýmaǵyndaǵy eń aýqymdy oqiǵalardyń biri IV halyqaralyq «KADEX-2016» qarý-jaraq pen áskeri-tehnikalyq múlik kórmesiniń ótkizilýi boldy. 4 kún ishinde qazaqstandyq jáne sheteldik qorǵanys-ónerkásibi kesheniniń barlyq kúshi men qýaty kórsetildi.
Biylǵy jyly alǵash ret QR Qorǵanys ministrliginde ofitserler úshin mańyzdy rásim generaldardy zapasqa shyǵaryp salý – Jaýyngerlik Týmen qoshtasý saltanatty rásimi ótkizildi.
QR Qorǵanys ministrligi men Resei Federatsiiasynyń Qorǵanys ministrligi tórt hattamaǵa qol qoidy. Soǵan sáikes Jaman-Taý, Saryshaǵan jáne Taisoiǵan synama poligondaryn paidalaný jáne jalǵa alý tártibi ózgerdi. Nátijesinde paida qazbalarynyń ken oryndary men kommýnikatsiialar ornalasqan jalǵa alýdan 1,6 mln. ga aýmaq shyǵarylyp, Qazaqstanǵa berildi.
Jastarǵa áskeri-patriottyq tárbie berý
Jastarǵa áskeri-patriottyq tárbie berýge úlken nazar aýdaryldy. Qaraǵandy oblysynyń «Spassk» oqý-jattyǵý ortalyǵynyń bazasynda Qazaqstandaǵy alǵashqy «Aibyn» respýblikalyq áskeri-patriottyq jiyny ótti.
2015 jyldan bastap Qazaqstannyń túkpir-túkpirinde «Erlik sabaqtary» ótkizile bastady. Oǵan Qorǵanys ministrligi men QR Qarýly Kúshteriniń áskeri qyzmetshileri belsene atsalysady. Ushqyshtar, teńizshiler jáne ózgeler qatysqan sabaqta oqýshylardy patriotizmge, eldi maqtan tutýǵa tárbieleý, naǵyz patriot pen Otan qorǵaýshysy beinesin qalyptastyrý týraly áńgimelep, olardy el men óńirdiń tarihymen tanystyrdy.
Áskeri qyzmetshilerdi baspanamen qamtamasyz etý
2016 jyldyń shildesinde Qazaqstannyń shyǵysynda Aiagóz garnizonynda 90 áskeri qyzmetshi men olardyń otbasylary jańa qonystoiyn toilady. Munda kúrdeli jóndeýden keiin turǵyn úi paidalanýǵa berildi. Áskeri qyzmetshilerdi qyzmet atqarý oryndarynda sapaly turmystyq jaǵdaimen qamtamasyz etý búgingi tańda qyzmet baǵytynyń biri bolyp qalýda. Armiia halyqaralyq oiyndary
2016 jyly alǵash ret Qazaqstan aýmaǵynda Armiia halyqaralyq oiyndary ótti.
Túngi jaǵdaida oq atý úshin qatysýshylarǵa qazaqstandyq óndiristiń «Aselsan» túngi kórý kózdeýishteri usynyldy. Optika mergenderge túngi ýaqytta oq atýǵa, sondai-aq, saiystyń jeke sátterin túsirýge múmkindik berdi. Osy jyly alǵash ret tikelei efirde Qazaqstan Qorǵanys ministrliginiń resmi saity arqyly oiyndardyń kórsetilgeni de erekshe boldy.
Biylǵy jyly Armiia halyqaralyq oiyndarynyń qorytyndysy boiynsha biz jalpykomandalyq ekinshi oryndy enshiledik. Álemniń 19 eliniń 120 komandasy, myńdaǵan myqty áskeri kásipqoilar, júzdegen birlik áskeri tehnika men aviatsiia eki apta boiy óz isinde úzdik degen ataq úshin baq synasty.
Halyqaralyq qarym-qatynas
Qorǵanys ministrligi álemniń 42 elimen seriktestik qarym-qatynas ornatty. 12 elmen áskeri-tehnikalyq yntymaqtastyq týraly jańa kelisim jasaldy. Olardyń ishinde Armeniia, Resei, Belarýs, Grýziia, Izrail, Úndistan, Qytai, Qyrǵyzstan, Tájikstan, Túrkiia, Ýkraina, Frantsiia.
Áskeri yntymaqtastyqqa keler bolsaq, ótken jyly Qazaqstan Qorǵanys ministrliginiń ókilderi 30-dan asa is-sharaǵa qatysty.
2015 jyldyń qyrkúieginde Qazaqstandaǵy «Saryshaǵan» poligony men Resei Federatsiiasynyń «Ashýlýk» poligonynda «Jaýyngerlik dostastyq» TMD ÁShQQ áskeri-áýe kúshteri men áskerleriniń jaýyngerlik oq atýymen oqý-jattyǵýdyń belsendi fazasy ótti.
Uly Otan soǵysynyń 70 jyldyǵyna arnalǵan 2015 jylǵy shildeniń 24-i men tamyzdyń 1-i aralyǵynda Máskeýde ótken Áskeri-sporttyq oiyndar da ataýly is-sharaǵa ainaldy. Odan basqa, ótken jyldyń tamyzynda Qazaqstanda Qorǵanys ministrleri Keńesiniń Hatshylyǵy jáne TMD memleketteriniń qorǵanys ministrlikterimen birlese «Dostastyq jaýyngeri» áskeri tehnikalyq sheberliktiń VII baiqaýy uiymdastyryldy.
Onyń ústine qazaqstandyq áskeriler «Dala qyrany – 2015», «Ózara is-qimyl – 2015», «Altyn úki», «Ortalyq – 2015», «Qarataý – 2015», «Qabylan joly – 2015», «Myzǵymas baýyrlastyq – 2015», UQShU-nyń UJDK jáne t.b. siiaqty mańyzdy halyqaralyq saiystarǵa qatysty.
Qarýly Kúshter serjanttar quramynyń ózge de eldermen yntymaqtastyǵy damýda. Sonymen, aǵymdaǵy jylǵy qańtardyń 26-y men 30-y aralyǵynda Astanada QR QK men AQSh QK serjanttar quramynyń simpoziýmy ótti.
Ult portaly
