Nur Otan partiiasynyń hatshysy Ilia Terenchenko jarylys bolǵan kúni zardap shekkenderge kómek retinde azyq-túlikke basymdyq berilse, qazirgi ýaqytta qiraǵan úilerde qalpyna keltirý úshin qurylys materialdaryna da basymdyq berilip jatqanyn jetkizdi. Bul týraly Nur-Sultan qalasynda ótken baspasóz jiynynda aitty, – dep habarlaidy Ult aqparat.
«Keshe Almatydan 100 tonna qurylys materialy jiberildi. Kólik quraldaryn partiialyqtar men kásipkerler usynýda. Qazirgi ýaqytta 600 million teńge aqsha jinaldy. Biryńǵai esepshotty buqaralyq aqparat quraldary, áleýmettik jeli arqyly jariialaǵan bolatynbyz» deidi Ilia Terenchenko.
Aita keteiik, Nur Otan partiiasynyń hatshysy Arys turǵyndarynyń mazasyn qashyrǵan saýalǵa jaýap bergen bolatyn. Osy jiynda Tamara Dúisenova azamattarǵa úi men qarajat berý, basqa qalalarǵa kóshirý máselesi qaralyp, sonymen qatar apattan zardap shekken azamattarǵa 4 jaqtan kómek berilip jatqanyn aitty.
