Qazaqstanda Tesla elektromobilderine arnalǵan qýattaý beketteri ashylady. Bul týraly Tesla Motors kompaniiasynyń basshysy Ilon Mask Tvitterde jazdy, dep habarlaidy QazAqparat.
Los-Andjeleste Tesla Model Y jańa elektromobiliniń tanystyrylymy ótti. Kompaniia Londonnan Beijińge deiin Supercharger qýattaý beketteriniń jahandyq jelisin qurǵysy keledi.
Sonymen birge, áleýmettik jelide taraǵan tanystyrylymǵa qazaqstandyqtardyń qatysqany jáne kompaniia basshysy Ilon Maskke Qazaqstanda beket ashýdy usynǵany týraly beinejazbalar paida boldy.
Jaýap retinde Ilon Mask Qazaqstanda qýattaý beketterin ashýǵa ýáde bergen.
«Qazaqstanda óte jaqsy qoldaý bildirip jatyr. Onda da Supercharger ornatamyz dep oilaimyn», - deidi Ilon Mask.
Model Y kóligine 15 diýim bolatyn basqarý ekrany, dybys júiesi ornatylǵan jáne tóbesi shynymen jabylǵan. Standard Range nusqasynda saǵatyna 100 shaqyrymǵa deiin 5, 9 sekýndta otalady, Performance nusqasynda - 3,5 sekýnd. Qýattalǵan elektromobilmen 320 jáne 450 shaqyrym júrýge bolady.
