Halyqaralyq azamattyq aviatsiia uiymy (IKAO) Qazaqstannyń ushý qaýipsizdigin qamtamasyz etý deńgeiin 84% deiin kóterdi. Bul álemdik ortasha kórsetkishten 15% joǵary. Bul týraly QR Indýstriia jáne infraqurylymdyq damý ministrligi habarlady.
«Azamattyq aviatsiia salasyn basqarýdyń jańa modeline kóshý jónindegi Ult josparynyń 68-qadamyn iske asyrý sheńberinde QR IIDM Azamattyq aviatsiia komiteti Qazaqstannyń aviatsiialyq ákimshiligimen birlesiken jumysy IKAO tarapynan joǵary baǵalandy. Osylaisha, 2021 jyldyń 2-11 tamyz aralyǵynda ushý qaýipsizdigine qatysty júrgizilgen IKAO tekserýiniń aldyn ala nátijeleri boiynsha Qazaqstan IKAO standarttaryna sáikestiktiń ortasha álemdik deńgeiinen 15% asyp, 84% jetti», - dedi ministrlikten.
IKAO standarttaryna sáikestiktiń artýy kelesi salalarda tirkeldi:
- Negizgi aviatsiialyq zańnama (LEG) 61%-dan 81%-ǵa deiin;
- Azamattyq aviatsiia uiymy (ORG) 37%-dan 75%-ǵa deiin;
- Aeronavigatsiialyq qyzmet kórsetý (ANS) 87%-dan 95%-ǵa deiin;
- Áýeailaqtar jáne jerdegi qyzmet kórsetý (AGA) 56%-dan 90%-ǵa deiin;
- Aviatsiialyq oqiǵalar men intsidentterdi tekserý (AIG) 47%-dan 53%-ǵa deiin.
Osylaisha, Qazaqstan Eýropalyq ushý qaýipsizdigi agenttigine (EASA) múshe elderdiń IKAO standarttaryna sáikestiginiń ortasha deńgeiine (84%) qol jetkizip otyr.
«Qazirgi ýaqytta osy kórsetkish boiynsha biz kóptegen eýropalyq elderden joǵary ornalasyp otyrmyz jáne Niderlandy – 87%; Belgiia – 87%; Portýgaliia – 87%; Chehiia – 87%; Latviia – 86%; Daniia – 85%; Islandiia – 84%; Polsha – 84%; Sloveniia – 82%, Kipr - 82% siiaqty eýropalyq eldermen qatar turmyz.
Nátijeler jaqyn arada IKAO saitynda resmi túrde jariialanady jáne barlyq memleketterge qoljetimdi bolady», - dep naqtylady QR IIDM-nan.
