Ishki ister ministriniń tapsyrmasy boiynsha turǵyndardy evakýatsiialaý men qoǵamdyq tártipti qamtamasyz etý jumystaryna Jambyl oblysy Politsiia departamentiniń 300 politseii men 47 avtoekipajy, sonymen qatar Ulttyq ulannyń 520 áskeri qyzmetshisi jumyldyryldy, dep habarlaidy vedomstvonyń baspasóz qyzmeti.
Oqiǵa ornyna aparar joldar, avtojoldar men «Taraz-Almaty» baǵytyndaǵy temirjol ýaqytsha jabylǵan. Qazirgi kezde Taraz qalasynyń mektepterine Baizaq aýdanynyń Qainar, Botamoinaq, Jibek Joly aýyldary jáne Úshbulaq stansasynyń 1 200-ge jýyq turǵyny evakýatsiialanǵan.
Jambyl oblysyndaǵy áskeri qoimadaǵy órttiń tutanýy boiynsha QR Qylmystyq kodeksiniń 462-babyna (Qarý-jaraqpen, sondai-aq ainaladaǵylarǵa qaýip tóndiretin zattarmen jáne nárselermen jumys isteý qaǵidalaryn buzý) sáikes sotaldy tergeý bastaldy.
Qoǵamdyq tártipti saqtaý jáne tonaýdy boldyrmaý maqsatynda evakýatsiialanǵan eldi mekenderdi qorshaý jáne patrýldeý uiymdastyryldy. Sondai-aq, Ishki ister ministrligi tekserilmegen nemese kórineý jalǵan aqparatty taratýǵa jol berilmeitini týraly eskertedi.
Jambyl oblysy ákimdiginiń málimetinshe, osy ahýalǵa bailanysty qandai da bir týyndaǵan suraqtar úshin: - 109 telefon nómiri; - 8-778- 810-91-09 vatsap jelisi arnaiy iske qosyldy. Sonymen qatar, - 8(7262) 51-41-67 telefon nómiri arqyly jedel jelige habarlasýǵa bolady.
