IIM TMD elderinen qylmystyq avtokólikterdi “importtaý” shemalary týraly aityp berdi, – dep habarlaidy Polisia.kz.
2019 jyldan bastap 2021 jylǵy qarasha aralyǵynda Qazaqstan Respýblikasynyń aýmaǵynan TMD elderinde urlanǵan 231 avtokólik tabyldy.
TMD elderinen qylmystyq avtokólikterdi importtaý faktileri kezdesedi. Osy oraida, qylmyskerler kelesi shemalardy paidalanady. Mysaly, olar avtokólikti satyp alady da, belgisiz bireýlerge rásimdep, sonyń atynan lizing nemese nesie alady. Alǵashqy bir-eki aida nesieniń aqshasyn tóleidi. Budan soń avtokólikti Qazaqstan aýmaǵyna shyǵarady. Bul rette avtokólik esh jerde izdeýde kórsetilmeidi. Sosyn da shekaradan kedergisiz ótkiziledi. Al odan keiin ol avtokólikti qaitadan satady jáne resmi túrde elimizdiń azamattaryna rásimdeledi. Osydan keiin olar lizing nemese nesie úshin tiisti ai saiynǵy aqysyn tóleýdi toqtatady. Nesiesi tólenbei jatqan soń, lizingtik kompaniialar avtokólikterdi izdei bastaidy. Politsiiaǵa aryz beredi, odan ári qylmystyq izdeýge jariialaidy.
Sondai-aq, taǵy bir jii kezdesetin shemalardyń biri – qylmysker avtokólikti aldyn ala uzaq merzimge jalǵa alyp, sosyn ony QR azamattaryna naryqtyq baǵadan tómen baǵamen qaita satyp jiberedi. Arendanyń merzimi bitken kezde ǵana avtokólikterin taba almai qalǵan jalǵa berýshiler politsiiaǵa júginedi.
“Kriminaldyq” tarihy bar avtokólikterdi satyp alýdan saqtaný úshin avtomobildi basqa elden satyp alǵan kezde ony tiisti tekserýler júrgiziletin ýákiletti organda tirkeý esebinen shyǵarý kerek. Keiinnen ony Qazaqstan aýmaǵynda tirkeýdi usynamyz.
