Sýret: Ulysmedia.kz
"Halyq" qaiyrymdylyq qory Halyk Bank-pen birige otyryp, Atyraý oblysy Qulsary qalasyndaǵy sý tasqynynan zardap shekken turǵyndarǵa ataýly qarjylai kómek kórsete bastady. Qordyń negizin qalaýshy, belgili metsenat Timýr Qulybaev 31,4 mlrd teńge aýdardy.
«Sý tasqynynan zardap shekken árbir jannyń qaiǵysyna ortaqpyn. Apat kelgeli, alǵashqy kúnnen bastap qarǵyn sýdyń astynda qalǵan aimaqtarǵa kómek qolyn sozdyq. Prezidentimiz Qasym-Jomart Kemeluly Toqaevtyń basshylyǵymen barlyq qiyndyqty eńseretinimizge senimdimin», - dedi Timýr Qulybaev.
Aita keteiik, bul kómek Qulsary turǵyndarynyń jeke úilerin qalpyna keltirýge baǵyttalyp otyr. Keltirilgen zalalǵa táýelsiz sarapshylar baǵa beredi. Tizimdi ákimdikterdiń jedel shtaby zardap shekkenderden alynǵan ótinishter negizinde daiyndaidy.
Eske sala keteiik, osyǵan deiin "Halyq" qory men Halyk Bank óz qarajatynan Aqtóbe, Qostanai, Batys Qazaqstan, Aqmola, Atyraý, Qaraǵandy, Soltústik Qazaqstan, Túrkistan, Almaty, Pavlodar, Ulytaý jáne Abai oblystaryndaǵy sý tasqynynan zardap shekkenderge kómek kórsetý úshin qyzmetkerlerdiń bir kúndik jalaqysyn qosqanda 1 mlrd 445 mln teńge bólgen bolatyn.
Sonymen qatar, "Halyq" qorynyń negizin qalaýshy Timýr Qulybaev Atyraý oblysyn qalpyna keltirýge qosymsha 30 mlrd teńge bólý týraly sheshim qabyldady.
Osylaisha, sý tasqynynan zardap shekkenderge 31,4 mlrd teńgeden asa aqsha bólindi.
