Aqtóbe óńirine is-saparmen kelgen Úkimettiń jumys toby jastarmen kezdesti. Q.Jubanov atyndaǵy Aqtóbe óńirlik memlekettik ýniversitetine bardy. Oqý orynyna tiesili jańarǵan «Jastar saraiyn» aralap kórdi. Bul týraly baq.kz jazdy
Jastar jyly aiasynda aqtóbelik jastarmen kezdespekke Úkimettiń jumys toby óńirdegi bedeldi joǵarǵy oqý oryndarynyń birine bardy. Q.Jubanov atyndaǵy Aqtóbe óńirlik memlekettik ýniversitetiniń Jastar saraiy qaita jańǵyrtyldy. Búgin ortalyqtyń saltanatty ashylýy ótti.
«Qurmetti jastar, sizderdi Amal kúnimen jáne «Jastar jylymen» shyn júrekten quttyqtaimyn. Bilimderińiz shyńdala bersin. Talaptaryńyzdy, múmkinshilikterińizdi kórsetýge jol ashý maqsatymyz. Múmkindikterińizdi júzege asyrýǵa jastardy tartý. Úlken jospar qabyldanyp, Úkimet qaýlysy shyqty. Jastar máselesine bailanysty 26 mlrd. teńge qarjy qarastyrylyp otyr. 26 aqyly ýniversitet jasaqtalaiyn dep jatyr. Olardy Nazarbaev ýniversitetiniń tájiribesin, standarttaryna sáikes kezeń-kezeńimen kóshirý qarastyrylǵan. Jastardy jumyspen qamtý máselesi de bar. Ol úshin «Atameken» kásipkerler palatasymen jumys júrgizilip jatyr. Ýniversitet bitirgen jastar mindetti túrde jumysqa ornalasý kerek. Joǵarǵy oqý oryndarynyń reitingi túlekteriniń jumysqa ornalasýymen baǵalanatyn bolady», - dedi QR Premer-ministriniń orynbasary Gúlshara Ábdihalyqova.
Jastar elimizdi rýhani jańǵyrtý, baiytý máselesine de úles qosýy qajet. Túrli sharalarǵa jastar kóbirek tartylyp, ideia-jobalaryn usyný kerek. Vitse-premerdiń sózinshe, osyndai jaǵdaida ǵana «Jastar jyly» óte nátijeli bolady.
«Jastar úshin basty másele – jumyssyzdyq. Óńirdegi jumyssyzdyqtyń aldyn alý maqsatynda 166 kásiporyn, kompaniia qarajatyna bizdiń stýdentter oqytylyp jatyr. 4 jyldan keiin bizder sol ónerkásip oryndaryna jumysqa tura alamyz. Eki másele birdei sheshiledi. Jastardyń jumyssyzdyǵy men kadr jetispeýshiligi. Nátije bar. Dál osylai jalǵasa berse, jetistigimiz mol bolady»,-dedi Q.Jubanov atyndaǵy Aqtóbe óńirlik memlekettik ýniversitetiniń stýdenti Aslan Ábýov.
Úkimettiń jumys toby búgin shahardaǵy «Anaǵa taǵzym» rýhani-adamgershilik ortalyǵynda azamattardy áleýmettik qoldaý suraqtary boiynsha qabyldap, kópbalaly otbasylardyń úilerin aralaidy dep kútilýde. Keiin oblys aýdandaryn aralaidy.
