QR Premer - Ministriniń orynbasary Gúlshara Ábdiqalyqova Elbasynyń «Áleýmettik qamqorlyq» atty jańa áleýmettik sharalarynyń basty baǵyttaryn túsindirý úshin Qostanai oblysynda júr, dep habarlaidy "Ult aqparat".
Jumys tobynyń quramyna eńbek jáne halyqty áleýmettik qorǵaý ministri B.Saparbaev, Bilim jáne ǵylym ministri K. Shámshidinova, Densaýlyq saqtaý ministri E. Birtanov, Qurylys jáne turǵyn-kommýnaldyq sharýashylyǵy isteri boiynsha Komitet tóraǵasy M.Jaiymbetov, «Nur Otan» partiiasynyń hatshysy F. Qýanǵanov kirdi.
Gúlshara Naýshaqyzy Qostanai oblysynyń Zatobol poselkinde halyqpen kezdesýinde áleýmettik qoldaý boiynsha sharalar halyqtyń áleýmettik áljýaz toptarynyń tabysyn arttyrý men qoldaýǵa, turǵyn-úi máseleleriń sheshýge, bilim berý jáne densaýlyq saqtaý salalaryn jaqsartýǵa baǵyttalǵanyn basa aitty.
Oblysta «Baqytty otbasy» jobasy sátti iske asyrylýda. 2 myńnan astam otbasyǵa materialdyq kómek kórsetildi, sonymen qatar óńir jebeýshilerimen 14 kópbalaly otbasyǵa úi men páterler satyp alyndy. G.N. Ábdiqalyqova 8 balany tárbielep otyrǵan Shákirovter januiasymen kezdesti. Olarǵa joba sheńberinde qaiyrymdyq jasaýshylar kómegimen «BK-Stroi» JShS salǵan páter syilyqqa berildi.
G. Ádiqalyqova osy aýdandaǵy Zatobol poselkesi men Michýrin aýylynda turatyn kópbalaly otbasylarǵa kirip shyqty. Qorytyndy boiynsha ol oblys basshylyǵyna olardyń máselelerin sheshý boiynsha birqatar tapsyrma berdi. Mektep jasyndaǵy 6 balasy bar Mihailovtar otbasyna shatyrdy jóndeý jáne terezelerdi aýystyrýǵa kómek jasalady.
Budan basqa, vitse-premer Jumyspen qamtý ortalyǵy men Halyqqa qyzmet kórsetý ortalyǵynyń jumysyn tekserdi. 2018 jyly HQKO qyzmetkerlerimen múmkindigi shekteýli azamattarǵa 2 899 memlekettik qyzmet kórsetildi.
Jumys sońynda Qostanai oblysynyń Ónimdi jumyspen qamtý jáne jappai kásipkerlikti damytý «Eńbek» memlekettik baǵdarlamasyn iske asyrý barysy qarastyryldy. Jalpy, aýdanda jumyspen qamtý sharalarymen 100 myńnan astam adam qamtyldy, 1135 adamǵa jáne 185 otbasyǵa jumys qoly jetispeitin aýdandarǵa erikti kóship kelýge kómek kórsetildi.
2018 jyly tehnikalyq jáne kásibi bilimi bar kadrlardy daiyndaýǵa 950 myń adam baǵyttaldy, 1653 adam qysqa merzimdi oqytýdy ótti, onyń ishinde 1454 adam jumysqa ornalastyryldy. Óz isin ashyp jáne keńeitýge 1021 mikrokredit, onyń ishinde 933-i aýyldyq jerde berildi. Kásipkerliktiń negizderi «Bastaý-Biznes» jobasy boiynsha 2311 adam oqytyldy, onyń ishinde 1474 adam biznes-jobalaryn qorǵady, 660 adam mikrokreditter aldy. 2018 jyldan bastap memlekettik granttar usynylady. Bastapqy biznesti bastaý úshin 118 astam grant beriledi.
Otyrystyń qorytyndysy boiynsha aýdandaǵy Memlekettik baǵdarlamalardy iske asyrýdyń ózekti máselelerin sheshýge baǵyttalǵan naqty sharalar qatary ázirlendi.
Qostanai oblysyndaǵy jumys sapary jalǵasýda.
