Grýziia qysqy týristik maýsymǵa belsendi daiyndyq ústinde. El úkimetiniń málimdeýinshe, ol byltyrǵy jyldaǵydai koronavirýs pandemiiasy sebebimen jabylmaidy, dep habarlaidy QazAqparat Novosti-Grýziia agenttigine silteme jasap.
2021 jylǵy qysqy maýsymda Grýziianyń tórt kýrorty – Gidaýri, Bakýriani, Mestia jáne Goderdzide 134 183 saparlaǵan. Grýziiada pandemiia men kovid-shekteýlerge bailanysty ekinshi jyl qatarynan tolyq qysqy maýsymdy ótkizý múmkin bolmai otyr. Osy joly kýrorttarǵa qatysty jańa erejeler men keńester qoldaný týraly sheshim qabyldandy.
Olardy Ekonomika ministrligi, Ulttyq týrizm ákimshiligi, Taý kýrorttaryn damytý naýqany, Densaýlyq saqtaý ministrligi, Aýrýlardy jáne qoǵamdyq densaýlyqty qadaǵalaý Ulttyq ortalyǵy jáne Eńbek inspektsiiasy departamenti ázirlegen. Bul týraly Ekonomika jáne turaqty damý ministriniń orynbasary Mariam Kvrivishvili málim etti.
Jańa erejeler negizinen arqanjoldarǵa qatysty. Keńesterge sáikes, on adamdy syidyratyn jabyq arqan gondolasy tek segiz jolaýshyny tasymaldai alady. Al ashyq tipti gondolalar tolyq júktememen jumys istei alady. Osy arada arqanjoldar men olardyń mańy qarqyndy dezinfektsiialanady. Kreslo arqanjoldaryna qatysty jańa erejeler engizilmeidi. Olai bolǵan jaǵdaida, kótergishtiń eki túrimen jyljý protsesi qatań qadaǵalanatyn bolady. Sonlai-aq, taý-shańǵy kýrorttarynda qashyqtyqty saqtaý jáne maska taǵý erejeleri saqtalady.
