Belgili qazaqstandyq didjei óziniń YouTube arnasynda jarty jyldan soń kelgen syilyqty tabystaý sátiniń videosyn bólisti, dep habarlaidy Sputnik Qazaqstan.
Video astynda "Uzaq ýaqyttan keiin Gremmi óz iesimen qaýyshty" dep jazylǵan.
Kadrda qazaqstandyq didjeige syilyqty tabystaýdyń beiresmi sharasy kórinis beredi. Tabystaý saltanaty qazanda Máskeýde ótken bolatyn. Alaida qorytyndy video jaqynda ǵana jaryq kórdi.
Pavlodar mańyndaǵy Aqsý qalasynda turatyn Imanbek Zeikenov SAINt JHN oryndaityn Roses ánine remiks jasap, "Gremmi" ielendi.
Syilyqty resmi túrde tabystaý 15 naýryzda ótti, alaida pandemiiaǵa bailanysty Imanbek músinsheni alýǵa barmady.
"Gremmi" (Grammy) - 1959 jyldan bastap Amerikanyń Ulttyq dybys jazý óneri jáne ǵylym akademiiasy (NARAS) tabystaityn mýzykalyq syilyq.
Biyl sondai-aq Ledi Gaga, Ariana Grande jáne Beionse de "Gremmi" iegeri atandy.
Sonymen qatar Imanbek Zeikenov Billboard Awards marapatyna ie boldy. Billboard Awards – ártisterdiń mýzykalyq charttardaǵy jetistigi úshin beriletin júlde. Ony amerikalyq Billboard mýzykalyq baspa basylymy tabystaidy.
Didjeidiń aitýynsha, ol júldeni Saint Jhn oryndaityn "Roses" ániniń remiksi úshin "Úzdik bi/elektrondy án" nominatsiiasy boiynsha jeńip alǵan.
