Sársenbi kúni Grekiia aýmaǵyndaǵy órt saldarynan Ejelgi Olimpiia qalashyǵynyń turǵyndary evakýatsiialandy. Rekord ystyq saldarynan 24 saǵat ishinde elde 100-den astam jerde orman órti shyqty, dep habarlaidy The New York Post.
Ejelgi Olimpiia – ejelgi Olimpiada oiyndary bastalǵan jáne kóptegen ǵasyrlar boiy ótkizilgen oryn.
520-dan astam órt sóndirýshi, 17 komanda, 150 órt sóndirý kóligi, toǵyz tikushaq jáne jeti ushaq dereý órtti sóndirýge jiberildi.
Qazirgi málimet boiynsha, 1 250 gektar jer órtenip, 76 úi men 27 kásiporynǵa qatty zaqym kelgen, 18 úi ishinara buzylǵan.
Greek Reporter-diń habarlaǵýynsha, Gerakleia, Pýrnari, Pelopio, Platanos jáne Kafkaniia aýyldarynyń turǵyndary da evakýatsiialanǵan.
«Órtti sóndirýge bar kúsh-jigerimizdi salamyz», - dedi Azamattyq qorǵanys bastyǵy Nikos Hardalias (Nikos Hardalias) Associated Press-ke.
«Eń qiyny – alda. Aldaǵy kúnder men aptalar odan da aýyr bolady. Bizdiń basty maqsatymyz – adamdardy qorǵaý», - dedi ol.
Haradalias 24 saǵat ishinde 118 orman órti shyqqanyn aitty. Bilik Olimpiia mańyndaǵy Peloponnestiń ońtústik aimaǵyndaǵy turǵyndardy evakýatsiialaýǵa májbúr boldy.
Eviia aralynan 90-ǵa jýyq adamdy qaiyqpen evakýatsiialaýǵa týra kelgeni atap ótildi.
Órt sársenbide Grekiiadaǵy aýa temperatýrasy 45 gradýsqa jetken kezde bastaldy. Bul – 1987 jyldan beri tirkelgen eldegi baqylaý tarihyndaǵy eń joǵary temperatýra.
B.z.d. 776 jyldan b.z. 393 jylǵa deiin oiyndar ótkizilgen ejelgi Olimpiia 2007 jyly orman órtterinen zardap shekken bolatyn. Ol kezde tilsiz jaý ondaǵan adamnyń ómirin qiǵan edi. Sol kezde ejelgi jerlerdiń qirandylary qutqarylǵan.
