Biyl grantqa túse almaǵan túlekter qarjy jaǵynan qinalsa, bilim berý kreditterin paidalana alady, dep habarlaidy BNews.kz.
2016 jyly bilim grantyna ie bola almaǵan talapkerler oqý aqysyn tólei almaǵan jaǵdaida Bilim berý kreditterin kepildendirýdiń memlekettik baǵdarlamasyna júginip, jyldyq 10%-dan bastalatyn paiyzdyq mólsherlememen 12 jylǵa deiingi merzimge QR Bilim jáne ǵylym ministrligi «Qarjy ortalyǵy» AQ-nyń kepildigimen nesie resimdei alady.
Bilim berý kreditteri talapkerlerge de, JOO jáne kolledj stýdentterine de beriledi.
Qazirgi tańda bilim berý kreditteri Qarjy ortalyǵymen seriktes bankterde ár túrli shartpen usynylady. Baǵdarlamanyń qoldanylý aýqymy keń, seriktes bankter elimizdiń barlyq aimaǵynda jumys isteidi. Kredittiń berilý mehanizmi birdei: qaryz alýshy bankke baryp keńes alady, resimdeýge qajetti qujattardy jinap, bankke tapsyrady.
Bilim berý krediti qajettilikke qarai ár semestr nemese jyl saiyn oqý ornynyń esepshotyna aýdarylady.
Alaida Qarjy ortalyǵynyń kepildigimen bilim berý kreditin alý úshin bir nemese eki qosalqy qaryz alýshy bolýy tiis. Bul jerde qosalqy qaryz alýshynyń tólem qabiletti, iaǵni negizgi jumys orny boiynsha alatyn tabysy eskeriledi.
Kredittiń somasyna shekteý qoiylmaidy, bastysy barlyq oqý kezeńi úshin oqý qunynan aspasa bolǵany.
Erekshe atap keterligi, bul baǵdarlamada jeńildikti kezeń beriledi, iaǵni oqý kezeńi men oqýdy bitirgennen keiin 6 aiǵa kreditti tóleý merzimi keiinge shegeriledi. Kreditti kez kelgen ýaqytta merziminen buryn óteýge bolady, ol úshin aiyppul sanktsiialary qoldanylmaidy.
Bilim berý kreditterin kepildendirýdiń memlekettik baǵdarlamasy arqasynda stýdent óz kúshimen óz bolashaǵyn josparlai alady.
