Qazaqstandyq mýzykant Imanbek Zeikenov Grammy syilyǵynyń músinshesin aldy, ony Los-Andjelesten jetkizip berdi. Ol marapatyn resmi jariialanǵannan keiin 7 ai ótken soń qolyna aldy, dep habarlaidy QazAqparat mýzykanttyń Instagram Stories-ine silteme jasap.
Didjei jáne saýnd-prodiýser músinsheni alyp jatqan videosyn Instagram Stories-ge salǵan. Sondai-aq, Imanbek músinsheni qolyna ustap turǵan sýretin júktegen.
Eske salaiyq, qazaqstandyq mýzykant Imanbek Zeikenov (Imanbek) 15 naýryzda mýzyka salasynda eń bedeldi Grammy syilyǵyn jeńip alǵan bolatyn.
Reper Saint Jhn-niń Roses tregine jasaǵan remiksi biyl álemniń túpkir-túpkirinde qoiyldy. Sondai-aq, ol AQSh-taǵy álemdik deńgeidegi Billboard Music Awards syilyǵynyń iegeri atandy. Odan bólek, Reseidiń GQ jýralynyń jyl saiynǵy syilyǵynda «Jyl jańalyǵy» atalymynda jeńiske jetti.
