Google kartasynda qoldanýshylarǵa belgili bir aimaqta koronavirýs juqtyrǵandardyń sanyn kórýge múmkindik beretin jańa qabat paida bolady. Bul týraly kompaniia saitynda jazyldy, - dep habarlaidy "Ult aqparat".
Zertteýshiler Google Maps qoldanýshylary bul múmkindikti qosyp, 100 myń adamǵa shaqqandaǵy jaǵdailardyń sanyna negizdelgen túrli-tústi kartany kóre alatynyn túsindirdi. Sondai-aq, sońǵy 7 kúnde kórsetkishtiń óskenin nemese tómendegenin kórsetetin belgiler paida bolady.
"Fýnktsiia sizge álemde qaýipsiz júrip-turýǵa kómektesedi. Siz ózińizdiń aimaǵyńyzdaǵy jańa COVID-19 jaǵdailary týraly aqparatty kóre bastaisyz", - dep jazady Google Maps. Onda bul málimetter jergilikti jáne úkimetaralyq uiymdardan aqparat alatyn Djons Hopkins ýniversiteti, Niý-Iork Taims jáne Vikipediia siiaqty birneshe aqparat kózderinen alynatyny atap ótildi.
Jańa qosymsha fýnktsiia 220 elde jumys isteitin bolady. Kei elde tipti qalanyń belgili bir aýdandaryndaǵy aýrýǵa qatysty aqparat kórsetiledi.
Google Maps Android jáne iOS-ta jańardy. Kompaniia sonymen qatar koronavirýsqa qatysty taǵy birneshe jańa qyzmet jasaýǵa ýáde etti.
Eske salaiyq, Google kompaniiasy koronavirýs pandemiiasy kezinde búkil álemdegi qoldanýshylardyń ornalasqan jeri týraly esep beretin Community Mobility Reports qyzmetin iske qosqan edi.
