The Ring jýrnaly qazaqstandyq boksshy Gennadii Golovkinniń (40-1-1, 35 KO) kelesi jekpe-jegin qaida ótkizetini týraly jazdy, – dep habarlaidy Sports.kz.
Onyń qarsylasy - Polsha boksshysy Kamil Sheremeta (21-0, 5 KO), aiqas AQSh-tyń Chikago qalasynda bolady. Judyryqtasýdyń ótetin kúni ázirge belgisiz, alaida promoýter Eddi Hirn onyń tamyz aiynda uiymdastyrylatyndyǵyna úmittenip otyr.
Eske sala ketsek, Golovkinniń Sheremetamen jekpe-jegi aqpan aiynan beri birneshe ret túrli sebeptermen keiinge qaldyrylǵan. Bul rette, boksshylar judyryqtasatyn oryn belgili boldy – bul Chikagonyń Wintrust Arena-cy. Sheremetamen aiqasta Golovkinniń IBF tujyrymdamasy boiynsha orta salmaqtaǵy álem chempiony ataǵy báske tigiledi.
