The Athletic insaideri Maik Koppindjer qazaqstandyq boksshy Gennadii Golovkin (40-1-1, 35 KO) men meksikalyq Saýl Alvares (53-1-2, 36 KO) arasynda ótýi múmkin úshinshi jekpe jek týraly jańalyqtarymen bólisti, - dep habarlaidy Sports.kz.
Onyń bergen aqparaty boiynsha, jankúierler «Kanelo» men GGG arasyndaǵy jekpe-jekti biyl tamashalai almaidy.
«Kanelo» Alvares qazirgi kezde Sergei Derevianchenkomen 14 qyrkúiekte judyryqtasý týraly kelissózderdi júrgizý ústinde. «Kanelo» basqa qarsylastaryn da qarastyrýda, biraq olardyń arasynda Golovkin joq. «Kanelo» — GGG arasyndaǵy jekpe-jektiń 2021 jyl bastalǵansha ótýi ekitalai», - dep jazdy Koppindjer Twitter-de.
Gennadii Golovkin óziniń kelesi jekpe-jegin IBF tujyrymy boiynsha mindetti úmitker, poliak boksshysy Kamil Sheremetaa (21-0, 5 KO) qarsy ótkizetini kútilip otyr. Bul judyryqtasý tamyz aiynda ótýi tiis.
