Japoniiada 107 jyl jáne 300 kúnnen astam ómir súrgen apaly-sińlili Ýmeno Sýmiiama men Koýme Kodama ǵalamshardyń eń kári egizderi atanyp, Ginnestiń rekordtar kitabyna endi, dep habarlaidy QazAqparat VVS agenttigine silteme jasap.
Olar 1913 jyly Kagava prefektýrasynyń Siodo aralynda dúniege kelgen. Ýmenonyń tórt, al Kýmeniń úsh balasy bar.
Qazirgi kezde Ýmeno men Kýme eldiń túrli bóligindegi qarttar úiinde turyp jatyr. Ginnestiń rekordtar kitabyna engeni týraly sertifikattar koronavirýs pandemiiasyna bailanysty poshta arqyly jiberilgen.
Jańa rekord Japoniiada jyl saiyn atap ótiletin "Qarttardy qurmetteý" kúnine orailastyrylǵan.
Ýmeno Sýmiiama men Kome Kodama buǵan deiin 2000 jyly japondyq apaly-sińlili egizder Kin men Djinniń rekordyn jańartty. Olardyń jasy 107 jyl, 175 kúnge tolǵan edi. Kin 2000 jyldyń qańtarynda, al Djin bir jyldan keiin, 108 jasynda qaitys bolǵan. Sońǵy jyldary Nogoiada apaly-sińlili keiýanalar erekshe tanymal bolǵan edi.
Japoniia – álemde uzaq ómir súrýshileri eń kóp el.
Ginnestiń rekordtar kitabynyń málimetinshe, álemde jasy eń úlken áiel 118-de – bul titýl Japoniianyń Fýkoka aralynda turatyn Kane Tanakaǵa tiesili. Jasy eń úlken er adam – 1908 jyly dúniege kelgen pýertorikandyq Emilio Florez Markez, ol - 112 jasta.
Álemde ómir súrgen eń kári adam frantsýz áieli Janna Kalman edi (122 jas, 164 kún). Er adamdar arasynda bul rekordqa 116 jyl jáne 54 kún ómir súrgen japondyq Titetsý Vatanabe ie.
