Germaniiada jolaýshylar poiyzynyń mashinisteri dúisenbi túngi ekiden bastap 25 tamyz túngi ekige deiin jumysyn toqtatty, dep habarlaidy "QazAqparat" HAA dw.com-ge silteme jasap.
Bul ereýilge GDL Nemis mashinister kásipodaǵy Deutsche Bahn kontserniniń basshylyǵymen tarifke qatysty kelissóz júrgizý barysynda shaqyrdy. Ereýildiń saldary eldegi milliondaǵan jolaýshyǵa áser etedi.
Germaniiada taýar tasityn poiyz mashinisteriniń ereýili 21 tamyz kúni bastaldy. GDL kásipodaǵy osy jyly mashinisterdiń ailyǵyn 3,2%-ǵa ósirýdi, sonymen qatar 600 eýro kólemindegi bir jolǵy tólem berýdi surap otyr. Deutsche Bahn ailyqty eki kezeńmen ósirýdi usyndy. 2022 jyldyń 1 qańtary 1,5%-ǵa ósirilse, 2023 jyldyń 1 naýryzy mashinister jalaqysy 1,7%-ǵa kóterilmek.
Alaida GDL EVG iri temirjol jáne kólik qyzmetkerleri kásipodaǵymen jasalǵan ujymdyq tariftik kelisimshart siiaqty bul sharttardy jetkiliksiz sanaidy.
Osy ereýil kelissózderdiń ekinshi kezeńi bolyp otyr. Birinshi kezeń 13 tamyz kúni bastalyp, eki kúnge sozylǵan.
