Germaniia Federaldy Respýblikasynda halyqtyń 70%-y virýsqa qarsy egildi, biraq koronavirýstyń taralýy jalǵasýda, dep habarlaidy COVID-19 taralýyna jol bermeý jónindegi VAK baspasóz qyzmeti.
Elde 23 qazanǵa qarai SARS-CoV-2 infektsiiasynyń aptalyq kórsetkishi rekordtyq deńgeige jetti.
Robert Koh institýty 100 000 adamǵa shaqqanda 100 jaǵdai oryn alǵandyǵyn jetkizdi. Bir apta buryn bul kórsetkish 100 000 turǵynǵa shaqqanda 67,7 jaǵdaidy qurady. Búgingi tańda Germaniiada halyqtyń 66%-y tolyǵymen egildi, bul shamamen 55 million adam. Vaktsinanyń bir dozasyn alǵandar sany - 57,5 mln.
Revaktsinatsiia Mońǵoliiada júrgiziledi. El biligi COVID-19 vaktsinasynyń údetkish dozasynyń tiimdiligi týraly málimdedi.
Eger halyqtyń 30%-dan astamy vaktsinanyń úshinshi dozasyn alsa, jańa KVI jaǵdailarynyń sanyn azaitýǵa bolady, - dep málimdedi Mońǵoliia Densaýlyq saqtaý ministrligi.
«Zertteý nátijeleri boiynsha býsterlik dozany engizgennen keiin 14 kún ótken soń antideneler deńgeii kúrt artady jáne vaktsinanyń úshinshi dozasy «delta» nusqasynan qorǵaýdyń tiimdiligin arttyrady. Revaktsinatsiia elde 25 tamyzda bastaldy, eń aldymen meditsina qyzmetkerleri men qart adamdar údetkish dozany aldy.
13 qyrkúiekten bastap 18 jastan asqan barlyq azamattar vaktsinatsiialanady. Búgingi kúnge deiin 380 330 adam údetkish dozany aldy.
