Germaniia kantsleri Olaf Sholts Geidelberg ýniversitetinde bolǵan qarýly shabýylǵa bailanysty kóńil aitty. Bilim ordasy Germaniianyń ońtústik-batysyndaǵy Baden-Viýrtemberg federaldy jerinde ornalasqan, dep habarlaidy QazAqparat euronews.com saityna silteme jasap.
Saldarynan stýdent qyz qaza taýyp, úsh adam aýyr jaraqat aldy. Qaskúnem dáris zalynda stýdentterge oq jaýdyryp, artynsha óz-ózine qol salǵan.
Oqý ornyna jaqyn aýmaq qorshaýǵa alyndy. Aldyn ala derekter boiynsha, oq ashqan adam stýdent bolǵan. Ol ózimen birge uzyn uńǵyly birneshe atys qarýyn alyp kelgen. Oqiǵa ornynda quqyq qorǵaý organdarynyń qyzmetkerleri jumys istep jatyr.
Politsiianyń habarlaýynsha, qylmysker jalǵyz áreket etken. Mamandar ázirge bul isten saiasi nemese dini negiz kórip turǵan joq.
