Golovkin IIM-niń medalimen marapattaldy, dep habarlaidy "Ult aqparat" QR IIM Baspasóz qyzmetine silteme jasap.
«Ishki ister ministriniń buiryǵymen Gennadii Golovkin qazaqstandyq sportty damytýǵa, halyqaralyq arenada elimizdiń bedelin arttyrýǵa qosqan úlesi úshin, sondai-aq Qazaqstan Respýblikasynyń Táýelsizdik Kúnin merekeleýge bailanysty «Quqyq tártibin qamtamasyz etýge qosqan úlesi úshin» medalimen marapattaldy», delingen habarlamada.
Gennadii Golovkin óziniń áýesqoi mansabynda IIM Ishki áskerleriniń sporttyq komandasynyń quramynda bolǵan edi.
«Gennadii Gennadevich, ishki ister organdary úshin siz - bóten adam emessiz. Bizdiń qatarymyzda «burynǵy áriptesimiz» degen bolmaidy. Ishki ister ministrligi jáne jeke ózim sizdiń kásibi bokstaǵy daýsyz tabystaryńyzdy, sondai-aq Qazaqstanda osyndai uly sportshy bar ekenin maqtan tutamyn. Jeńiske degen talpynysyńyzben jáne jigerli rýhyńyzben IIM-niń barlyq jeke quramyna úlgi bolyp kelesiz. Sizge jańa jeńister men jetistikter tileimin!», - dedi qazaqstandyq boksshyǵa medal tapsyrǵan ministr Erlan Turǵymbaev.
