Business Insider basty úsh kriteriidi negizge ala otyryp qazirgi zamannyń úzdik 15 boksshysynyń tizimin jariialady, dep habarlaidy "Ult aqparat".
53 jeńis (36 nokaýt), bir jeńilis jáne eki teń nátijemen Saýl «Kanelo» Alvares álemniń úzdik boksshylarynyń kóshin bastap tur.
Ýkrainalyq Vasilii Lomachenko ekinshi orynǵa jaiǵasqan. Ol - 14 jeńis (10 nokaýt) jáne bir jeńilis iesi.
Úshinshi oryndy asa aýyr salmaqtaǵy jeńilmegen Ýkraina boksshysy Aleksandr Ýsik ielenip tur. Ol 17 ret jeńiske jetken (13 nokaýt).
Qazaqstan boksynyń juldyzy, orta salmaqtaǵy IBF jáne IBO nusqalary boiynsha Álem chempiony Gennadii Golovkin 9-orynǵa jaiǵasty. Onyń qorjynynda 40 jeńis (35 nokaýt), bir jeńilis jáne bir teń nátije bar. «Big Drama Show» sózimen tanylǵan sportshy reitingtegi qurmetti orynǵa beker jaiǵasqan joq.
Esterińizge sala keteiik, Golovkin áýelde áýesqoi boksshy retinde shyǵyp, 2003 jylǵy Álem chempionatynda altyn medal, al 2004 jylǵy Olimpiada oiyndarynda «kúmis» alǵan.
Birneshe jyldan keiin ol kásipqoi boksqa aýysyp, tórt jyldan soń álemniń ýaqytsha chempiony degen alǵashqy ataǵyn jeńip aldy. Soqqysynyń qýatty bolýy arqasynda ol talantty boksshyǵa ainaldy.
2017 jyly Kaneloǵa qarsy jekpe-jektegi teń nátije men revansh kezindegi jeńilisi - Golovkin mansabyndaǵy daýly sátter.
Aita keteiik, Gennadii ýkrainalyq boksshy Sergei Derevianchenkomen bolǵan sońǵy kezdesýinde orta salmaqtaǵy Álem chempiony belbeýin qaitaryp aldy.
