Foto: 365info.kz
Almatylyq gastroenterolog Iýrii Shýmkovty óltirgeni úshin sottalǵan er adam apelliatsiialyq shaǵym túsirdi, - dep habarlaidy Tengrinews.kz saity.
Bul týraly Shýmkovtar otbasynyń dosy Muratjan Saqtaǵanov habarlady.
"Apelliatsiia 1 naýryzda bolady. Sottalýshy qylmystyń mán-jaiy týraly sotty jańylystyrýǵa tyrysyp, shaǵym túsirdi. Biraq videoǵa basynan aiaǵyna deiin túsip qalǵan qylmysty qalai joqqa shyǵarýǵa bolady? Sottalýshy tarap áleýmettik jelilerdi paidalanyp, ony jábirlenýshige ainaldyrmaq. Belgili dárigerdi qatygezdikpen óltirip, endi merzimin qysqartýdy suraidy. Degenmen, tergeý barysynda júrgizilgen meditsinalyq tekserýler qylmyskerdiń aqyl-esi durys, kisi óltirýge muqiiat daiyndalǵanyn anyq kórsetip otyr", - dedi ol.
Sondai-aq, marqum dáriger Shýmkovtyń otbasy sottyń úkimimen kelispeitini belgili boldy.
Eske salaiyq, Almaty qalasynyń qylmystyq ister jónindegi mamandandyrylǵan aýdanaralyq sotynyń úkimi boiynsha 36 jastaǵy Nurjan Tursynbaev barlyq bap boiynsha kináli dep tanylyp, 18 jylǵa bas bostandyǵynan aiyrý jazasyn qatań rejimdegi koloniiada óteýge sottaldy.
