Jer mańaiyndaǵy orbitadaǵy Inspiration 4 missiiasy ekipajynyń alǵashqy sýretteri paida boldy. Ushyrylymdy kásipker Ilon Masktyń SpaceX kompaniiasy uiymdastyrdy, dep habarlaidy QazAqparat VVS-ge silteme jasap.
Fotosýretterde beinelengendei, áýesqoi astronavtar ǵaryshtyq kapsýlanyń ishinde óte jeńil kúide ilinýli, planetany illiýminatordan qarap, óz isterimen ainalysýda.
Milliarder Djared Aizekman jáne onyń áriptesteri Heili Arseno, Sian Proktor jáne Kris Sembroski sársenbi kúni Floridadaǵy ǵarysh ailaǵynan ushyryldy.
Bul – kommertsiialyq missiiamen orbitaǵa shyqqan alǵashqy áýesqoi ekipaj. Missiianyń negizgi maqsattarynyń biri –álemdegi qaterli isik aýrýyn emdeýdiń eń iri ǵylymi-klinikalyq ortalyǵy bolyp sanalatyn Memfistegi Áýlie Iýda Faddei balalar ǵylymi-zertteý aýrýhanasyna 200 million dollar qaiyrymdylyqqa aqsha jinaý.
«Dragon» kemesi astronavtardy 590 km biiktikke kóterdi, bul Halyqaralyq ǵarysh stantsiiasynyń orbitasynan shamamen 160 km jáne Habbl ǵaryshtyq teleskopynan 50 km joǵary.
Ekipaj demalys kúnderi Jerge oralýy kerek. Olardyń kapsýlasy Atlant muhityna qonady.
