Ǵalymdar tiri kletkalardan alǵashqy «tiri robottardy» qurastyrdy, dep jazady QazAqparat The Independent basylymyna silteme jasap.
Basylymnyń habarlaýynsha, ǵalymdar baqa embrionynyń kletkalaryn alǵan jáne ony jumysyn baǵdarlamalaýǵa bolatyn mashinaǵa ainaldyrǵan.
«Adamzat alǵash ret tolyǵymen biologiialyq mashinany qurastyrdy», - deidi ǵalymdar. Olar bul tehnologiiany patsienttiń aǵzasyna dári kirgizý úshin nemese muhitty tazalaý úshin qoldanýǵa bolatynyn aitty.
«Jańa tiri mashinalar dástúrli robottarǵa uqsamaidy, tiri janýarlarǵa da qatysy joq. Bul jańa artefakt: tiri, baǵdarlamalaýǵa bolatyn aǵza», - deidi Vermont ýniversitetiniń sarapshysy, jańa zertteýdiń avtorlarynyń biri Djoshýa Bongar.
Jańa robot týraly material Proceedings of the National Academy of Sciences jýrnalynda jariialandy.
