Sheteldik ǵalymdar koronavirýsty eki ese jeńil ótkerýge múmkindik beretin dári oilap tapty, dep habarlaidy QazAqparat News.un.org saityna silteme jasap.
Dúniejúzilik densaýlyq saqtaý uiymymen seriktes IýNITEID agenttigi «Molnýpiravir» preparatynyń koronavirýspen jeńil jáne ortasha deńgeide aýyrǵandardyń aýrýhanaǵa jatý qaýpin 50 paiyzǵa tómendetýge kómektesetindigin rastady.
«Molnýpiravir» - virýstyń aýyr asqynýyn boldyrmaityn tiimdi jáne qoldanýy ońai dári. Bul bizge qaýipti dertke tosqaýyl qoiý úshin qajet», - dedi agenttiktiń bas direktory Filipp Daneton.
Onyń aitýynsha, preparat pandemiiamen kúres strategiiasyn túbegeili ózgerte alady. Osy ádispen emdeý aýrýdyń aýyr jaǵdailarynyń sanyn edáýir azaitady jáne densaýlyq saqtaý júiesine júktemeni jeńildetedi.
«Halyqtyń tabysy tómen jáne ortasha elderde dáriniń múmkindiginshe kóp adamǵa qoljetimdi bolýyn qamtamasyz etý úshin tiisti sharalardy qabyldaýǵa daiynbyz», - dedi Daneton.
